Sa ráiteas príobháideachais seo tugtar eolas faoin dóigh a ndéantar do shonraí pearsanta a phróiseáil agus a chosaint.
An oibríocht phróiseála: EU Whoiswho – Eolaire Oifigiúil an Aontais Eorpaigh
An Rialaitheoir Sonraí: Oifig Foilseachán an Aontais Eorpaigh, Aonad A.5, “Tairseach OP”
Tagairt taifid: DPR-EC-00447
Clár
- Réamhrá
- Cén fáth agus cén chaoi a bpróiseálaimid do shonraí pearsanta?
- Cad iad na forais dlí ar a ndéanaimid do shonraí pearsanta a phróiseáil?
- Cé na sonraí pearsanta a bhailímid agus a phróiseálaimid?
- Cá fhad a choinneoimid do shonraí pearsanta?
- Cén chaoi a gcosnaímid do shonraí pearsanta?
- Cé aige a mbeidh rochtain ar do shonraí pearsanta agus cé dó a nochtfar iad?
- Cé na cearta atá agat agus cén chaoi a bhfeidhmítear iad?
- Sonraí teagmhála
- Tuilleadh eolais
1. Réamhrá
Tá an Coimisiún Eorpach (‘an Coimisiún’ anseo feasta) tiomanta do do shonraí pearsanta a chosaint agus do phríobháideachas a urramú. Déanann an Coimisiún sonraí pearsanta a bhailiú agus a phróiseáil de bhun Rialachán (AE) Uimh. 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le próiseáil sonraí pearsanta ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin (lena n-aisghairtear Rialachán (CE) Uimh. 45/2001).
Sa ráiteas príobháideachais seo, mínítear an fáth a bpróiseálaimid do chuid sonraí pearsanta, an dóigh a ndéanaimid na sonraí pearsanta ar fad a thugtar dúinn a bhailiú, a láimhseáil agus a chosaint, an chaoi a n-úsáidtear iad, agus na cearta atá agat maidir le do shonraí pearsanta. Tugtar ann freisin sonraí teagmhála an Rialaitheora Sonraí atá freagrach agus lenar féidir leat do chearta a fheidhmiú, sonraí teagmhála an Oifigigh Cosanta Sonraí agus an Mhaoirseora Eorpaigh ar Chosaint Sonraí.
Anseo thíos tá an t-eolas maidir leis an oibríocht phróiseála dar teideal “EU Whoiswho – Eolaire Oifigiúil an Aontais Eorpaigh” a fheidhmíonn aonad A.5, “Tairseach OP” de chuid Oifig Foilseachán an Aontais Eorpaigh.
2. Cén fáth agus cén chaoi a bpróiseálaimid do shonraí pearsanta?
Cuspóir na hoibríochta próiseála: Bailíonn Aonad A.5, “Tairseach OP” de chuid Oifig na bhFoilseachán do shonraí pearsanta agus úsáideann sé iad lena bhfoilsiú in eolaire EU Whoiswho, https://op.europa.eu/web/who-is-who.
Is é atá i gceist leis an oibríocht phróiseála an t-eolaire oifigiúil de na baill foirne atá ag obair in institiúidí, comhlachtaí agus gníomhaireachtaí an Aontais Eorpaigh, chomh maith leis na feisirí den Pharlaimint agus grúpaí eile, a chur ar fáil go poiblí.
Ní úsáidfear do shonraí pearsanta le haghaidh cinnteoireacht uathoibrithe, próifíliú san áireamh.
3. Cad iad na forais dlí ar a ndéanaimid do shonraí pearsanta a phróiseáil?
Déanaimid do shonraí pearsanta a phróiseáil ar na cúiseanna seo a leanas:
- is gá an phróiseáil a dhéanamh chun cúram a chur i gcrích a dhéantar ar mhaithe le leas an phobail nó i bhfeidhmiú údaráis oifigiúil atá dílsithe don institiúid nó don chomhlacht de chuid an Aontais;
agus/nó
- is gá an phróiseáil a dhéanamh chun oibleagáid dhlíthiúil a bhfuil an rialaitheoir faoina réir a chomhlíonadh;
An bunús dlí atá leis an bpróiseáil: sainordú Oifig na bhFoilseachán, Cinneadh 2009/496/CE, Euratom ó Pharlaimint na hEorpa, ón gComhairle, ón gCoimisiún, ón gCúirt Bhreithiúnais, ón gCúirt Iniúchóirí, ó Choiste Eacnamaíoch agus Sóisialta na hEorpa agus ó Choiste na Réigiún an 26 Meitheamh 2009 maidir le heagrú agus le hoibriú Oifig Foilseachán an Aontais Eorpaigh.
4. Cé na sonraí pearsanta a bhailímid agus a phróiseálaimid?
Chun an oibríocht phróiseála sin a dhéanamh, bailíonn aonad A.5 “Tairseach OP” de chuid Oifig na bhFoilseachán na catagóirí sonraí pearsanta seo a leanas:
Foireann inmheánach an Choimisiúin: sloinne agus céadainm (giorraithe le haghaidh foireann “neamhbhainistíochta”); uimhir theileafóin. foireann inmheánach rúnaíocht na Parlaiminte (bainistíocht amháin): sloinne agus céadainm, uimhir theileafóin agus seoltaí. I gcás bhaill foirne eile an Aontais Eorpaigh, braitheann na sonraí ar an rogha a dhéanfaidh institiúidí an Aontais Eorpaigh ar leith iad féin.
I gcás na n-ábhar sonraí sin, liostaítear an seoladh oibre cineálach (foirgneamh), an seoladh ríomhphoist cineálach agus uimhir theileafóin lárnach na heagraíochta.
Feisirí de Pharlaimint na hEorpa agus rúnaíochtaí grúpaí polaitiúla, comhaltaí ó choistí bhuanionadaíochtaí na Comhairle, comhaltaí ón gComhairle Cobhsaíochta agus Comhlachais, Cinn Thoscaireachtaí agus Oifigí an Aontais Eorpaigh: d'fhéadfadh céadainm iomlán, seoladh ríomhphoist agus seoladh oifige iomlán, uimhir theileafóin agus grianghraf portráide a bheith san áireamh leis na sonraí sin freisin.
Tá forbhreathnú iomlán de chatagóirí sonraí ar fáil san iarscríbhinn “Réimsí sonraí EU Whoiswho”.
Fuaireamar do shonraí pearsanta ó d'aonad/an roinn atá i gceannas ar acmhainní daonna, trí aistriú sonraí uathoibrithe nó leath-uathoibrithe.
5. Cá fhad a choinneoimid do shonraí pearsanta?
Coinníonn aonad A.5 “Tairseach OP” de chuid Oifig na bhFoilseachán do shonraí pearsanta ar feadh na tréimhse is gá chun críocha bailiúcháin nó próiseála breise, is é sin chun eolaire cothrom le dáta a choinneáil de bhaill foirne an Aontais Eorpaigh san eolaire EU Whoiswho. Má athraíonn tú do phost laistigh de sheirbhísí an Aontais Eorpaigh, léireofar an méid sin ar eolaire EU Whoiswho tar éis moill ghearr. Má fhágann tú seirbhísí an Aontais Eorpaigh, bainfear do shonraí pearsanta d'eolaire EU Whoiswho tar éis moill ghearr.
Seachas suíomh EU Whoiswho, táirgeann Oifig na bhFoilseachán na leaganacha seo a leanas:
- Leagan bliantúil le heolaire iomlán (PDF), a choinnítear sa chartlann ar an suíomh (https://op.europa.eu/web/who-is-who/archive) agus coinnítear ann é chun críocha stairiúla;
- Sleachta démhíosúla le haghaidh institiúidí an Aontais Eorpaigh faoi seach (PDF). Ós rud é go ndéantar na sleachta a nuashonrú go rialta, déanann gach leagan nua an leagan a bhí ann roimhe sin (nach bhfuil curtha sa chartlann) a fhorscríobh.
- Ina theannta sin, cuirtear sonraí EU Whoiswho ar fáil lena n-íoslódáil ó Thairseach Sonraí Oscailte an Aontais Eorpaigh (https://data.europa.eu/).
Cuirtear do shonraí pearsanta sa chartlann i mbunachar sonraí neamh-phoiblí, agus bainfear iad den bhunachar sin tar éis 5 bliana i gcás daoine tábhachtacha neamhpholaitiúla (e.g. baill foirne an Aontais Eorpaigh nach bhfeidhmíonn i bpost bainistíochta).
6. Cén chaoi a gcosnaímid do shonraí pearsanta?
Déantar na sonraí pearsanta uile atá i bhformáid leictreonach (ríomhphoist, doiciméid, bunachair sonraí, baisceanna sonraí uaslódáilte etc.) a stóráil ar fhreastalaithe an Choimisiúin Eorpaigh. Déantar na hoibríochtaí próiseála go léir i gcomhréir le Cinneadh (AE, Euratom) Uimh. 2017/46 ón gCoimisiún an 10 Eanáir 2017 maidir le slándáil córas cumarsáide agus faisnéise arna n-úsáid ag an gCoimisiún Eorpach.
Chun do shonraí pearsanta a chosaint, tá bearta teicniúla agus eagraíochtúla curtha i bhfeidhm ag an gCoimisiún. Ar na bearta teicniúla sin tá bearta iomchuí chun dul i ngleic leis an tslándáil ar líne, leis an mbaol go gcaillfí sonraí, go ndéanfaí sonraí a athrú nó go ndéanfaí rochtain neamhúdaraithe orthu, ag cur san áireamh an riosca atá i gceist leis an bpróiseáil agus na gcineálacha sonraí pearsanta atá á bpróiseáil. Ar na bearta eagraíochtúla, tá cead rochtana ar na sonraí a theorannú do dhaoine údaraithe amháin a bhfuil gá dlisteanach acu leo chun críocha na hoibríochta próiseála seo.
7. Cé aige a mbeidh rochtain ar do shonraí pearsanta agus cé dó a nochtfar iad?
Tugtar rochtain ar do shonraí pearsanta d'fhostaithe an Choimisiúin atá freagrach as an oibríocht phróiseála sin a fheidhmiú agus do na baill foirne atá údaraithe de réir an phrionsabail “ar bhonn riachtanais eolais”. Tá ceangal ar na baill foirne sin cloí le comhaontuithe reachtúla rúndachta agus, nuair is gá, le comhaontuithe breise rúndachta. Ní thabharfar an t-eolas a bhailímid d'aon tríú páirtí.
Tá an t-eolaire seo ar fáil go poiblí ar https://op.europa.eu/web/who-is-who/.
8. Cé na cearta atá agat agus cén chaoi a bhfeidhmítear iad?
Tá cearta sonracha agat mar ‘ábhar sonraí’ faoi Chaibidil III (Airteagail 14-25) de Rialachán (AE) 2018/1725, go háirithe an ceart chun do shonraí pearsanta a rochtain, a cheartú nó a scriosadh agus an ceart chun srian a chur ar phróiseáil do shonraí pearsanta. Nuair is infheidhme, tá an ceart agat agóid a dhéanamh i gcoinne na próiseála agus tá an ceart agat maidir le hiniomparthacht sonraí.
Is féidir leat do chearta a fheidhmiú ach teagmháil a dhéanamh leis an Rialaitheoir Sonraí, nó, i gcás easaontais, leis an Oifigeach Cosanta Sonraí. Más gá, féadfaidh tú dul i dteagmháil leis an Maoirseoir Eorpach ar Chosaint Sonraí freisin. Tá a gcuid sonraí teagmhála le fáil faoi Cheannteideal 9 thíos.
I gcás inar mian leat do chearta a fheidhmiú i gcomhthéacs oibríochta próiseála ar leith amháin nó níos mó, déan cur síos orthu (i.e. tabhair a dtagairtí taifid mar atá sonraithe faoi Cheannteideal 10 thíos) i d'iarratas.
9. Sonraí teagmhála
- An Rialaitheoir Sonraí
Más mian leat do chearta a fheidhmiú faoi Rialachán (AE) 2018/1725, nó má tá tuairimí, ceisteanna nó ábhair imní agat, nó más mian leat gearán a dhéanamh faoi bhailiú agus úsáid do shonraí pearsanta, déan teagmháil leis an Rialaitheoir Sonraí, Aonad B.1 "Iris Oifigiúil agus Cásdlí" de chuid Oifig na bhFoilseachán, info@publications.europa.eu.
- Oifigeach Cosanta Sonraí an Choimisiúin
Féadfaidh tú dul i dteagmháil leis an Oifigeach Cosanta Sonraí (DATA-PROTECTION-OFFICER@ec.europa.eu) maidir le ceisteanna a bhaineann le próiseáil do shonraí pearsanta faoi Rialachán (AE) 2018/1725.
- An Maoirseoir Eorpach ar Chosaint Sonraí
Tá an ceart agat dul ar iontaoibh an Mhaoirseora Eorpaigh ar Chosaint Sonraí (edps@edps.europa.eu) (i.e. gearán a dhéanamh leis) má mheasann tú gur sáraíodh do chearta faoi Rialachán (AE) 2018/1725 mar thoradh ar phróiseáil do shonraí pearsanta ag an Rialaitheoir Sonraí.
10. Tuilleadh eolais
Foilsíonn an tOifigeach Cosanta Sonraí clár na n-oibríochtaí próiseála go léir ar shonraí pearsanta atá déanta ag an gCoimisiún, oibríochtaí a ndearnadh doiciméadú orthu agus ar tugadh fógra dó ina leith. Tá an clár le fáil ag an nasc seo: http://ec.europa.eu/dpo-register.
Áirítear an oibríocht phróiseála shonrach sin ar chlár poiblí an Oifigigh Cosanta Sonraí agus an tagairt taifid seo a leanas ag gabháil léi: DPR-EC-00447.
]]>